Skip to product information
1 of 1

Höfundur: Jónína Óskarsdóttir

Konurnar á Eyrarbakka

Konurnar á Eyrarbakka

Konurnar á Eyrarbakka, sitthvað af konu minni hverri, fjallar um líf og störf kvenna í sjávarþorpi sem eitt sinn var aðal verslunarstaður Suðurlands. Eyrarbakki er ríkur af sögu kvenna, sögu um lífið innan og utan heimila og milli húsa sem einhvern veginn var meira samtvinnað en það er í dag. Hjálpsemi, nýtni og þrautseigja einkenndi tilveruna þar sem konur höfðu stóru hlutverki að gegna í ósýnilegu hagkerfi en voru aldeilis ekki ósýnilegar þá frekar en nú – þó ekki hafi farið miklar sögur af þeim.

Í bókinni eru viðtöl við konur og samtöl um konur, 38 alls, sem eru fæddar á tæplega hundrað ára tímabili, ýmist innfæddar, aðfluttar eða brottfluttar. Ekki eru sagðar sérstakar frægðarsögur heldur sögur af hversdagslífi og störfum kvenna sem hafa breyst í áranna rás. Hér má lesa um uppeldi, menningu, mat og menntun, kvennabaráttu og verndun húsa, handverk og garðyrkju, félags- og frumkvöðlastörf, veikindi og missi, lífsbaráttu og sjálfsbjargarviðleitni en líka vináttu, samhjálp og góða granna.

Bókin er prentuð á Íslandi og kemur úr prentun í byrjun nóvember.  Keypt eintök munu verða keyrð heim til viðskiptavina á höfuðborgarsvæðinu, Eyrarbakka og nágrenni.

„Ég er mjög hrifin af verkinu og finnst takast á undraverðan hátt að skrifa þannig að persónueinkenni hverrar konu njóti sín.“

Linda Ásdísardóttir, safnafræðingur á Byggðasafni Árnesinga.

„Mikilvægt framlag til kvennasögunnar og fyrir mig að fá innsýn í líf formæðra minna á Eyrarbakka í tæp hundrað ár.“

Þórey Vilhjálmsdóttir Proppé, framkvæmdastjóri Empower.

-

Regular price 9.900 ISK
Regular price Sale price 9.900 ISK
Sale Sold out
Með vsk.

Hægt er að kaupa bókina beint af höfundi. Frekari upplýsingar: joninaos@gmail.com

Skoða nánar